२९ असार । सिङ्गापुरमा आयोजना हुने आइसिसी टी–ट्वान्टी विश्वकप एशिया छनोटको तयारीमा रहेको नेपालको आजको प्रदर्शन त्यत्ति राम्रो देखिएको छैन । मलेसियासँगको २ खेलको मैत्रिपूर्ण प्रतिस्पर्धा अन्तर्गतको दोस्रो खेलमा नेपालले ६ ओभरभित्रै ३ खेलाडी गुमाएको छ ।
नेपाललाई जित दिलाउन सक्ने पवान सर्राफ रन आउट हुन पुगे , कप्तान पारख खड्का र उपकप्तान ज्ञानेन्द्र मल्ल पनि क्याचआउटमा परेका छन् ।
क्वालालम्पुरको किनरारा एकेडमी ओभल मैदानमा टस जितेर पहिले ब्याटिङ गरेको नेपालले आक्रामक सुरुवात गर्न खोजे पनि राम्रा ब्याट्सम्यानहरु गुमाएका कारण नेपालका लागि चुनौती पूर्ण बनेको छ ।
