हामी सबैकाे संसारन्यूज

९ साउन, काठमाडौँ । बुधबार साँझपख लमजुङको दोर्दीखोलामा अचानक आएको बाढीले बगाएर मृत्यु भएका चारजनाको सनाखत भएको छ ।

मृत्यु हुनेमा सप्तरीको सप्तकोशी नगरपालिका ८ का ५० वर्षीय भुवनेश्वर चौधरी, डढेल्धुराको आलेतालनपा ६ का ५० वर्षीय रमेश बुढा, बाराको जितपुर उपमहानगर पालिकाका ३५ वर्षीय शिवलाल चौधरी र ३५ वर्षीय अन्सारी रहेका छन् ।

मृत्यु भएका चारैजना दोर्दीखोलामा निर्माणाधीन २५ मेगावाटको माथिल्लो दोर्दी ‘ए’ जलविद्युत आयोजनाका कामदार रहेको प्रहरीले बताएको छ ।

प्रमुख जिल्ला अधिकारी डा डिजन भट्टराईका अनुसार ६ जना अझै बेपत्ता छन् । बेपत्ता हुनेमा सप्तरीका सुरेन्द्र चौधरी, डढेल्धुराका कर्ण बुढा, कञ्चनपुरका देवबहादुर कोली, बाराका ज्ञानेन्द्र चौधरी भोजपुरका दिवस कटुवाल र लमजुङका विनोद तामाङ छन् ।

बाढीले ५४ मेगावाट क्षमताको सुपर दोर्दी जलविद्युत आयोजनाको २ वटा लोडर, २ वटा ट्याक्टर, २ वटा कम्प्रेसर, एउटा जेनेटरलगायतका सामग्री बगाएको छ ।