Sansar News
१५ साउन, काठमाण्डौं । नेपाल कम्युनिष्ट पार्टीका स्थायी समिति सदस्य तथा ताप्लेजुङबाट प्रतिनिधिसभा सदस्य योगेश भट्टराई संस्कृति, पर्यटन तथा नागरिक उड्डयन मन्त्री नियुक्त भएका छन् ।
गतवर्ष फागुन १५ गते तत्कालिन संस्कृति, पर्यटन तथा नागरिक उड्डयन मन्त्री रविन्द्र अधिकारीको विमान दुर्घटनामा मृत्यु भएपछि रिक्त रहेको उक्त मन्त्रालयको जिम्मेवारी भट्टराईलाई दिइएको हो ।
उपचारका लागि शनिबार सिंगापुर जान लागेका प्रधानमन्त्री केपी शर्मा ओलीले त्यस अगावै भट्टराईलाई मन्त्रीको जिम्मेवारी सुम्पिएका हुन् ।
मन्त्री भट्टराईको सपथ आज (बुधबार) ४ बजे शितल निवासमा हुने भएको छ ।
प्रधानमन्त्रीले निर्वाचनका बेलानै ताप्लेजुङका जनता समक्ष भट्टराईलाई मन्त्री बनाउने घोषणा गरेका थिए ।
वि.सं.२०७६ साउन १५ बुधवार १५:१८ मा प्रकाशित
