Sansar News
२१ साउन, काठमाडौं । भोजपुर, सिराहा र मोरङका विभिन्न स्थानमा भएका आगलागीबाट करिब १ करोड ५ लाख रुपैयाँ बराबरको धनमाल जलेर नष्ट भएको छ ।
भोजपुर, हतुवागढी गाउँपालिका – ८ का ईश्वरबहादुर तामाङको घरमा सोमबार बिहान आगलागी हुँदा करिब ५ लाख रुपैयाँ बराबरको धनमाल जलेर नष्ट भएको हो।
त्यस्तै, लहान नगरपालिका -१ स्थित दुर्गाबहादुर बिकको ग्यारेजमा मंगलबार बिहान आलगागी हुँदा ग्यारेज तथा ग्यारेजभित्र रहेको पाटपूर्जा पूर्णरुपमा जलेर करिब ५० लाख रुपैयाँ बराबरको धनमाल नष्ट भएको हो ।
यसैबीच मोरङ, लेटाङ नगरपालिका- ६ घुम्ती बस्ने मेस बहादुर बिक लगायत ३ जनाको घरमा मंगलबार बिहान आगलागी हुँदा तीन वटै घर जलेर करिब ५० लाख रुपैयाँ बराबरको धनमाल नष्ट भएको छ ।
स्थानीय बासिन्दा तथा दमकलको सहयोगमा प्रहरीले आगालगी नियन्त्रणमा लिनुका साथै यस सम्बन्धमा थप अनुसन्धान गरिरहेको बताइएको छ ।
वि.सं.२०७६ साउन २१ मंगलवार १३:१९ मा प्रकाशित
