हामी सबैकाे संसारन्यूज

२३ साउन, काठमाडौँ । भारतले जम्मु–कस्मिर पुनर्गठन विद्येयकमार्फत केन्द्रशासित दुई अलग राज्य गठन गर्ने निर्णयबारे नेपाललाई औपचारिक जानकारी गराएको छ ।

नयाँदिल्लीस्थित नेपाली राजदूत नीलाम्बर आचार्यलाई मंगलबार भारतीय विदेश मन्त्रालय (साउथ ब्लक) बोलाएर विदेशसचिव विजयकेशव गोखलले घटनाक्रमबारे जानकारी दिएका हुन् ।

जम्मु –कस्मिरको विकास र स्थायित्वका लागि चालिएको कदमले दक्षिण एसियाकै विश्वास भारतको छ । ‘ भारतका विदेशसचिव विजयकेशव गोखलेजीले हामीलाई जम्मु– कस्मिरका सम्बन्धमा भएको निर्णय, त्यसको पृष्ठभूमि बताए,’ मंगलबारको कूटनीतिक भेटवार्ताबारे राजदूत आचार्यले दिल्लीबाट टेलिफोनमा भने, ‘ कस्मिरका जनताको विकासको चाहनालाई सम्बोधन गर्न र स्थायित्व हासिल गर्न संवैधानिक कदम चालिएको भन्ने उनीहरुको भनाइ छ । ’

भारतले कस्मिरलाई विशेष राज्यको दर्जा प्रदान गर्ने संवैधानिक प्रावधान रहेको संविधानको धारा ३७० को व्यवस्था खारेजको निर्णय गरेपछि सुरुमा राष्ट्रसंघीय सुरक्षा परिषद्का स्थायी सदस्य मुलुकका कूटनीतिज्ञलाई जानकारी दिएको थियो । बिहीबारको नयाँ पत्रिका दैनिकबाट