हामी सबैकाे संसारन्यूज

२७ साउन, कास्की\ जाजरकोट । झूटो विवरण बुझाएर नागरिकता लिने दुई युवतीसहित ८ जना पक्राउ परेका छन् । तिब्बतीलाई छोरी बनाएर जिल्ला प्रशासन कार्यालय कास्कीबाट नागरिकता दिलाउने पोखरा–१८ सराङकोटका लेखबहादुर थापा, नागरिकता लिने दुई युवती र साक्षी बसेका ५ जनालाई प्रहरीले पक्रेको हो ।

थापाले तिब्बती शरणार्थीसँग विवाह गरेकी छोरीतर्फका दुई नातिनीलाई आफ्नै छोरी बनाएर सनाखत गरी नागरिकता लिएको प्रशासनले जनाएको छ ।

तिब्बती बाबु र नेपाली आमाबाट जन्मिएका दुई जनाले नागरिकता लिएका थिए । सरु थपामगर र तासी आङ्मो थापामगरले गत जेठ २६ र असार ६ मा नेपाली नागरिकता लिएका हुन् ।

यसैबीच जाजरकोट जिल्ला प्रशासन कार्यालयले एक व्यक्तिलाई कानुनविपरीत नागरिकता उपलब्ध गराएको खुलेको छ । प्रशासनले जाजरकोट जिल्लामा बसोबास तथा वंशजको नाता सम्बन्ध नभएका दाङ घर बताउने कमल पुनलाई नागरिकता दिएको हो । नलगाड नगरपालिका –२ का वडाध्यक्ष रामकुमार जैसीको सिफारिसमा नागरिकता उपलब्ध गराएको हो । सोमबारको कान्तिपुर दैनिकबाट