हामी सबैकाे संसारन्यूज

२७ साउन, काठमाडौं । काठमाडौं, सिनामंगल बस्ने रामेछाप का २३ वर्षीय तेन्जिङ लामा गोकर्णेश्वर नगरपालिका- १ सुन्दरीजलस्थित बाग्मती खोलामा सोमबार बिहान मृत अवस्थामा फेला परेका छन् ।

बोलबम गई नुहाउने क्रममा खोलाले बगाई बेपत्ता भएका उनको खोजी गर्ने क्रममा डुबेर मृत्यु भएको अबस्थामा शव फेला परेको हो ।

त्यस्तै, भरतपुर महानगरपालिका- १६ शिवघाटस्थित नारायणी नदीको किनारमा सोही ठाउँ बस्ने ३१ वर्षीया कृष्ण मांया तामाङ मृत अवस्थामा फेला परेकी छिन् । बिहीबार माछा मार्न जान्छु भनी हिंडेकी उनी हराई बेपत्ता भएकीले खोजी गर्ने क्रममा मृत फेला परेकी हुन् ।

यसैबीच उदयपुर, बेलका नगरपालिका– १ स्थित काली खोलाको किनारामा सोही ठाउँ बस्ने राज कुमार तामाङ आइतबार दिउँसो मृत अवस्थामा फेला परेका छन् ।

उक्त खोलाले बगाई बेपत्ता भएका उनको स्थानियवासीको सहयोगमा प्रहरीले खोजी गर्ने क्रममा मृत फेला परेका हुन् ।

यस सम्बन्धमा स्थानीय प्रहरीले थप अनुसन्धान गरिरहेको बताइएको छ ।