हामी सबैकाे संसारन्यूज

३१ साउन, काठमाडौं । शुक्रबार साँझ जिल्ला प्रहरी कार्यालय चितवनमा ढुंगामुढा गर्नेहरु घर-घर पुगिसकेको जिल्ला प्रहरी प्रमुख एसपी दानबहादुर मल्लले बताएका छन् ।

जिल्ला प्रहरी कार्यालय बाहिरबाट ठूलो समूहले ढुंगा, मुढा र रड प्रहार गर्नेहरु भगाईसकिएको र उनीहरु यतिबेला आ–आफ्नो घरमा पुगेको एसपी मल्लले बताए ।

प्रर्दशनकारी र प्रहरीबीच झडप हुँदा ५ जना प्रहरी सामान्य घाइते भएको स्वीकार गर्दै उनले स्थिति सामान्य भैसकेको समेत उनले जानकारी दिएका छन् । चौकीभित्र ढुंगा मुढा प्रहार भएपछि प्रहरीले १० सेल अश्रुग्यास प्रहार गर्नुपरेको उनको भनाई थियो ।

पत्रकार शालिकराम पुडासैनीको मृत्युको विषयमा अनुसन्धान गर्न प्रहरीले रवि लामिछाने, युवराज कंडेल र अस्मिता कार्कीलाई काठमाडौँबाट पक्राउ गरी चितवन पु¥याई अदालतमा पेश गरेको थियो । उनीहरुमाथि थप अनुसन्धान गर्न प्रहरीले जिल्ला अदालतबाट ५ दिन म्याद लिएको थियो ।

उनीहरुमाथि थप अनुसन्धान गर्न प्रहरीले जिल्ला अदालतबाट ५ दिन म्याद लिएको थियो । शुक्रबार दिनभरजसो रवि लामिछानेको समर्थकले चितवनमा प्रहरी कार्यालय र जिल्ला अदालतअगाडि प्रदर्शन गरेका थिए ।
पत्रकार सालिकराम पुडासैनीको आत्महत्या केशमा सिधा कुरा जनतासँग कार्यक्रमका सञ्चालक रवि लामिछाने सहित ३ जनालाई अनुसन्धानका लागि प्रहरीले नियन्त्रण लिएपछि रविका समर्थकहरुले दिनभर जिल्ला अदालत चितवन अगाडि प्रर्दशन गरेका थिए ।