Sansar News
१० भदौ, काठमाडौँ । नेपालीहरु काम गर्न तथा अध्ययनकालागि बिदेसिने क्रम बढिरहेको बेला विदेशबाट नेपालमा काम गर्न तथा पढ्नकै लागि विदेशीहरु आउने गरेको पाइएको छ ।
अध्यागमन विभागका अनुसार सन् २०१८ मा विभिन्न मुलुकबाट २ हजार २ सय ८८ जना विदेशी नागरिक वर्किङ भिसामा नेपाल आएका छन् । यस्तै, सन् २०१९ को अगष्टसम्ममा विभिन्न देशका १ हजार ३ सय ८४ जना विदेशीले नेपालमा काम गर्न भिसा अनुमति प्राप्त गरेका छन् ।
विभागका अध्यागमन अधिकृत राजेश महर्जनले सन् २०१८ र २०१९ को अगष्टसम्म ३ हजार ६ सय ७२ जना विदेशी नागरिकले वर्किङ भिसा अनुमति प्राप्त गरेको जानकारी दिए । नेपालमा विभिन्न किसिमका ठूला योजना, सडक तथा पूर्वाधार निर्माणमा काम गर्न विदेशी निर्माण कम्पनीहरुले कामदार ल्याउने गरेका छन् ।
यसरी ल्याइएका कामदारहरुलाई निर्माण अवधिभर कम्पनीहरुले नै राख्ने गरेका छन् । मंगलबारको राजधानी दैनिकबाट
वि.सं.२०७६ भदौ १० मंगलवार ०७:३८ मा प्रकाशित
