हामी सबैकाे संसारन्यूज

नुवाकोट । शिक्षा नै परिवर्तनको मूख्य आधार हो । यहि भनाईलाई चरितार्थ गर्दै चतुराले ६, बर्बन्दी नुवाकोटमा रहेको श्री ब्रह्मायणी निमाविमा झोलासहित शैक्षिक सामग्री बितरण गरिएको छ । सञ्चारकर्मीद्वय लक्ष्मी रुम्बा र छिरिङ तामाङको संयोजनमा अर्जुनबहादुर तामाङले हेलम्बु एजुकेसन एण्ड लाइभ्लीहुड पार्टनरसिप (ज्भउि) सिन्धुपाल्चोकलाई सहयोगका लागि अनुरोध गरेको थियो ।
जसअनुसार बिद्यालय प्राङ्गणमा बुधबार आयोजित एक समारोहमा बितरण गरेको हो । हेल्पका प्रतिनिधि मोहन तामाङको हातबाट वितरित सो सामग्री प्रति बिद्यार्थी एक हजार पाँच सय मुल्य बराबरको रहेको थियो । प्रधानाध्यापक नवराज पाठकले सञ्चालन गरिएको उक्त कार्यक्रममा तामाङ सञ्चार समुहका केन्द्रीय सदस्य बुद्ध योन्जन, बिद्यालयका पुर्व अध्यक्ष अर्जुनबहादुर तामाङ, वर्तमान अध्यक्ष प्रतिमान तामाङ र प्रमुख अतिथि हेल्पका प्रतिनिधि मोहन तामाङले शैक्षिक गुणस्तरमा जोड दिनुपर्ने बताए ।
शिशु कक्षादेखि आठ कक्षासम्मका एक सय छव्विस बिद्यार्थीलाई सो सामग्री वितरण गरिएको छ । स्मरणीय कुरा सन् २००८ मा स्थापित सो संस्थाले सिन्धुपाल्चोक क्षेत्र नम्बर ३ का सामुदायिक बिद्यालयहरुलाई विशेष सहयोग गर्दै आइरहेको छ ।