हामी सबैकाे संसारन्यूज

६ असोज, काठमाडौँ । सिटिजन्स बैंक इन्टरनेसनल लिमिटेडले लागुऔषधको दुव्र्यसनमा परेका व्यक्तिहरुलाई यस कुलतबाट छुट्कारा गराउने काम गर्दै आएको नशा रहित समाज नेपाललाई संस्थागत सामाजिक उतरदायित्व कार्यक्रम अन्तर्गत रू १ लाख १ हजार आर्थिक सहयोग गरेको छ ।

नशा रहित समाज नेपालको कार्यालय बडिखेलमा आयोजित एक कार्यक्रमकाबीच बैंकले उक्त रकमको चेक संस्थाका संचालक सोनाम शेर्पालाई हस्तान्तरण गरेको छ ।

लागूऔषध प्रयोगकर्तामा मनोवल र आत्मबल अभिवृद्धि गरी लागू पदार्थको कूप्रभावबारे जनगाजगरण कार्यक्रम संचालन गरी लागूऔषध प्रयोगकताको कारणबाट उत्पिडित समाजलाई राहत दिलाउने, लागूऔषध प्रयोगकर्ता हरूलाई उपचार गरि परिवार र समाजमा पुनःस्थापना गर्ने,सीप मूलककार्यमा सहभागि गराई लागू औषध प्रयोगबाट श्रृजनाहुने रोगहरुबारे सजग गराउने र सामाजिक, आर्थिक, सांस्कृतिक, शैक्षिक आदि जस्ता क्षेत्रमा सकारात्मक परिवर्तन ल्याउनका निम्ति विभिन्न कार्यक्रम संचालनगर्ने कुरा बैंकले जानकारी दिएको छ ।

सिटिजन्स बैंक इन्टरनेसनल लिमिटेडले देशैभरी फैलिएका आफ्ना ८२ वटा शाखा, ७९ वटा ए.टि.एम. र १०१ वटा शाखा रहित बैंकिङ्ग एकाईहरुबाट करिव चार लाख ग्राहक वर्गलाई आधुनिक बैंकिङ्ग सेवाहरु प्रदानगर्दै आएको छ ।