Sansar News
१४ मंसिर फलेवास (पर्वत) । कुश्मा बजारमा ड्रोन क्यामरा उडाएको आरोपमा प्रहरीले तीन अमेरिकीलाई सोमबार पक्राउ गरेको छ ।
बडगाउँस्थित मुलुककै अग्लो झोलुङ्गे पुल वरपर ड्रोन क्यामरा उडाइरहेको अवस्थामा उनीहरूलाई पक्राउ गरिएको हो । पक्राउ पर्नेमा रोबर्ट माइकल केम्पटन, हल स्पेन्सर ह्यारिसन र लाउरा डेभिड ओस्र्बन छन् ।
उनीहरू मुक्तिनाथबाट पोखरा फर्कने क्रममा अग्लो पुलको अवलोकन गर्न यहाँ आएका थिए । प्रहरीले ड्रोनबाट खिंचेका सामग्री नष्ट गर्न लगाएको जिल्ला प्रहरी कार्यालयका प्रमुख प्रहरी नायब उपरीक्षक शेखर खनालले बताउनुभयो । रासस
वि.सं.२०७३ मंसिर १४ मंगलवार ०२:४९ मा प्रकाशित
