हामी सबैकाे संसारन्यूज

गैरआवासीय नेपाली संघ (एनआरएनए) ओमानको क्षेत्रिय समिति  सललाह (एनसीसी) ले घाइते मनिता टुडुलाई ३० हजार रुपैयाँ आर्थिक  सहयोग गरेको छ ।
उक्त रकम  एनआरएनए  ओमानका केन्द्रीय सदस्य टिका धिताल र क्षेत्रिय समिति सललाहका संयोजक  टिका दाहालले टुडुकै घरमा पुगेर  स्थानीय समाजसेवीको  उपस्थितिमा रकम हस्तान्तरण गरेका थिए ।
बैदेशिक रोजगारका क्रममा  ओमानको सललाहमा पुगेकी झापा कन्काइ नगरपालिकाकी २५ वर्षीया  मनिता टुडु  ६ वर्ष अघि  ओमानको सललाहमा पुगेकी थिईन् ।   काम गर्ने क्रममा जुलाई २६ का दिन घरमा आगोलागी भएपछि  ज्यान बचाउन झ्यालबाट हाम फाल्ने क्रममा घाइते भएकी थिईन ।
झया्लबाट हाम फालेकी उनको  ढाड र हात खुट्टा  भाचिएको थियो ।  सुल्तान काबुस अस्पताल सललाहमा  झण्डै  एकमहिना उपचार पश्चात  टुडु  घर  फर्किएकी छन् ।
नेपालमा पनि डाक्टरको रेगलुर चेकअपमा रहेकी मनिताले पुरा सन्चो हुन अझै दुई तीन महिना लाग्ने बताएकी छन् ।  मनिताले  ओमानमा रहेका दाजुभाइ दिदी बहिनी, आफूलाई तीन महिना घरमा राखेर उपचार तथा सहयोग गर्ने, कला भण्डारी,   नेपाली महिला समुह सललाह र नेपाली एकता समाज  ओमानलाई हार्दिक धन्यवाद दिएकी छन् ।  उनको खुट्टामा रड राखिएको छ । डाक्टरले  अझै  दुई तीन महिना पुरा आराम गर्नुपर्छ  भनेका छन् ।
“नेपाली एकता समाज ओमानले २७ हजार रुपैयाँ,  नेपाली महिला समुह ओमानले ५१ हजार र  एनआरएनए सललाहले ३० हजार सहयोग गर्नु भएको छ । उहाँहरुको सहयोगप्रति आभार तथा धन्यवाद व्यक्त गर्दछु ।” मनिताले संसारन्जुलाई बताईन् ।
“आगो लागेपछि  ज्यान बचाउन भाग्दा घाइते भए ।   मालिकले उपचार गर्न मानेको थिएन,” मनिताले भनिन् “तर,  मस्कटमा रहेको नेपाली एम्बेसी र सललाहका नेपाली दाजभाइ तथा दिदी बहिनीले  दवाव दिएपछि उपचार गर्न राजी भएको थियो मालिक ।”