हामी सबैकाे संसारन्यूज

१५ मङ्सिर, जलेश्वर । महोत्तरीको बलवा नगरपालिका ८ को वडाअध्यक्ष र बारागढी गाउँपालिका १ को अध्यक्षमा समाजवादी पार्टीका उम्मेदवार विजयी भएका छन् ।

महोत्तरीको बलवा नगरपालिका–८ का मुख्य निर्वाचन अधिकृत विष्णु सुवेदीका अनुसार बलवा नगरपालिका–८ मा समाजवादी पार्टीका रामबाबु महतोले ६५९ मत ल्याएर विजयी भएका हुन् । उनका निकटतम प्रतिद्वन्द्वी नेपाली काँग्रेसका निर्मल यादवले ३४६ मत ल्याएका छन् भने नेकपाका लक्ष्मेश्वर रायले १५८ मत ल्याएर तेस्रो स्थान हासिल गरेका छन् ।

त्यस्तै बारागढी गाउँपालिका–१ को अध्यक्षमा सङ्घीय समाजवादी पार्टीका सुरेशप्रसाद चौधरी निर्वाचित भएका छन् । एक हजार ९५५ कूल मतमध्ये चौधरी ७४९ मत ल्याई विजयी भएको निमित्त निर्वाचन अधिकृत मनिष साहले जानकारी दिए । निकटतम प्रतिद्वन्द्वी नेकपामा शंकर चौधरीले ६७२ मत प्राप्त गरेका छन् ।