Sansar News
१७ मसिंर, काठमाडौँ । ग्लोबल आइएमई बैंक लि. र रुपाकोट रिर्सोट प्रा.लि.बीच सम्झौता भएको छ ।
रिर्सोटले बैंकका ग्राहक तथा कर्मचारीहरुलाई प्रदान गर्ने विभिन्न सेवा तथा सुविधाहरुमा दिने छुटसम्बन्धी सम्झौतापत्रमा हस्ताक्षर गरेको हो । सोमबार भएको कार्यक्रममा बैंकका बजार तथा व्यवसाय प्रबद्ध्र्रन विभाग प्रमुख शान्ता शिवाकोटी र रुपाकोट रिर्सोटका म्यानेजर पियुस लामाले हस्ताक्षर गरे ।
सम्झौता पश्चात रुपाकोट रिर्सोट, पोखरामा ग्लोबल आइएमई बैंकबाट डेबिट क्रेडिट तथा प्रिभिलेज कार्ड लिएका ग्राहक तथा कर्मचारीले रिर्सोटले उपलब्ध गराउने विभिन्न सेवामा १५ प्रतिशत सम्म छुट पाउने विज्ञप्तीमा जनाइएको छ ।
ग्लोबलले आफ्ना ग्राहकहरुलाई बैंकिङ्ग सेवाको अतिरिक्त अन्य सुविधाहरु प्रदान गर्ने उद्देश्यले लामो समयदेखि विभिन्न संघ\संस्थाहरुसँग समन्वय गरी यस्ता योजनाहरु ल्याउने गरेको बैंकले बताएको छ ।
बैंकले १५३ वटा शाखा, ३१ वटा एक्सटेन्सन तथा राजश्व संकलन काउण्टर, १५१ एटिएम, १९५ शाखारहित बैंकिङ्ग सेवा र नेपालबाहिर ३ प्रतिनिधि\सम्पर्क कार्यालय (अष्ट्रेलिया , बेलायत र भारत) मार्फत आफ्ना ग्राहकहरुलाई सेवा प्रदान गर्दै आइरहेको बताइएको छ ।
वि.सं.२०७६ मंसिर १७ मंगलवार १२:०४ मा प्रकाशित
