Sansar News
१९ मसिंर, काठमाडौँ । कालापानीलगायत क्षेत्रमा भारतले नेपाली भूमि मिचेको सम्बन्धमा छलफल गर्न भारतले इच्छा नदेखाएको सत्तारुढ नेकपाका शीर्ष नेताहरुले जनाएका छन् ।
सीमा अतिक्रमणबारे तत्काल छलफल गर्न आफूहरुले चासो देखाउँदा पनि भारत अनिच्छुक देखिएको नेकपाको बुधबार बसेको सचिवालय बैठकमा नेताहरुले ‘ब्रिफिङ’ गरेका हुन् । नेकपाका सचिवालय सदस्य तथा पूर्वप्रधानमन्त्री माधवकुमार नेपालले सीमा अतिक्रमणबारे छलफलका लागि भारत जाने आफूहरुको तयारीमा भारतले तत्काल ‘रेसपोन्स’ नगरेकै कारण रोकिएको पनि बैठकलाई जानकारी गराए ।
प्रधानमन्त्री केपी ओलीले भारतीय प्रधानमन्त्री नरेन्द्र मोदीसँग सीमा अतिक्रमणबारे छलफलका लागि नेपालको सन्देस लिएर कुराकानी गर्न नेपालकै नेतृत्वमा विशेष दौत्य टोली पठाउने कोसिस गरेका थिए । तर, त्यो सफल भएन । बिहीबारको नयाँपत्रिकाबाट
वि.सं.२०७६ मंसिर १९ बिहीवार ०८:२५ मा प्रकाशित
