हामी सबैकाे संसारन्यूज

२३ मंसिर,काठमाण्डौ । सातौ मोबोसा ओपन तोङ्ग ईल मो–दो इन्टरनेश्नल च्याम्पियनसिपमा सहभागी तोङ्ग ईल मो–दो संघ नेपालका खेलाडिले स्वर्ण पदक जितेका छन् ।

प्रतियोगितामा नेपालले १ स्वर्ण,४ रजत र २ कास्य पदक जितेको केन्यामा रहेका तोङ्ग ईल मो–दो संघ नेपालका उपाध्यक्ष प्रकाश श्रेष्ठले जानकारी दिएका छन् ।

श्रेष्ठका अनुसार यहि डिसेम्बर ७ र ८ मा भएको अन्तर्रा्िष्ट्रय प्रतियोगिता नम बिष्ट (कैलाली) ले १ स्वर्ण (फाईटमा) १ रजत (कातामा), प्रकाश श्रेष्ठले (झापा) १ रजत (काता), जय बहादुर तामाङ (गोरखा ) १ रजत (फाईट) १ रजत (सामुहिक काता) १ कास्य (एकल काता) र मंगल शाही (सुर्खेत ) ले १ कास्य (फाईट) पदक नेपालका जितेका हुन् ।

संघका उपाध्यक्ष प्रकाश श्रेष्ठको नेतृत्वमा ६ सदस्य टोलि दक्षिण अफ्रिकी देश केन्याको दोस्रो ठूलो शहर मोम्बासामा भएको ७ औं मोम्बसा खुल्ला तोङ्ग ईल मो–दो अन्तर्रा्िष्ट्रय मार्सल आर्ट्स प्रतियोगितामा सहभागिता जनाएसँगै सबै खेलाडिले पदक जित्न सफल भएका हुन् ।

बिश्वको २५ देशले सहभागिता जनाएको उक्त प्रतियोगिताको समापनमा केन्याको खेलकूदमन्त्री,विश्व तोङ्ग ईल मो दो संघका संस्थापक डा. जोन हु सुक, संघका अन्तर्रा्िष्ट्रय उपाध्यक्ष मास्टर ताका मिस्टु हुसिले बिजेता खेलाडिहरुलाई मेडल प्रदान गरेका थिए ।

नेपाली टोलीलाई सफलताको शुभकामना दिँदै राष्ट्रिय खेलकुद परिषद् (राखेप) का सदस्य इन्दीरा निरौलाले खादा लगाएर बिदाई गरेकी थिईन् । तोङ्ग ईल मो–दो नेपालका महासचिव बिष्णु गिरीले खेलाडीहरुलाई राज्यको तर्फबाट कुनै सहयोग नभएको भए पनि नेपाली खेलाडिहरुले केन्यामा देशको झन्डा फहराउन सफल भएकोमा खुशी ब्यक्त गरे ।