हामी सबैकाे संसारन्यूज

२९ मंसिर, काठमाण्डौं । नेपाल कम्युनिष्ट पार्टी (नेकपा) को बैठक पार्टी कार्यालय धुमबाराहीमा सम्पन्न भएको छ ।

पार्टी अध्यक्ष पुष्पकमल दाहालको ‘प्रचण्ड’ को अध्यक्षतामा बसेको बैठकले पार्टी केन्द्रीय सचिवालयको तर्फबाट राजनीतिक प्रतिवेदन, विधान संशोधन प्रस्ताव, केन्द्रीय कमिटीको आगामी बैठक, नेपाल–भारत सीमा समस्याको समाधान र विविध प्रस्तुत भई सामान्य छलफलपश्चात स्थायी कमिटीको बैठकको एजेण्डाका रुपमा स्वीकार गरिएको नेकपाका प्रवक्ता तथा नेता नारायणकाजी श्रेष्ठले बताएका छन् ।

त्यसैगरी बैठकले प्रधानमन्त्री तथा पार्टी अध्यक्ष केपी शर्मा ओलीको शीघ्र र पूर्ण स्वास्थ्य लाभको कामना सहित प्रस्ताव समेत पारित गरेको छ ।

बैठकमा पार्टी अध्यक्षद्वय ओली र दाहालका तर्फबाट प्रस्तुत राजनीतिक प्रतिवेदन अध्यक्ष दाहालले प्रस्तुत गरेका थिए भने विधान संशोधन प्रस्ताव महासचिव विष्णु पौडेलले प्रस्तुत गरेका थिए ।

त्यसैगरी पार्टीको अर्को बैठक भोली (सोमबार) ११ बजे धुमबाराहीमा बस्ने जनाइएको छ ।