हामी सबैकाे संसारन्यूज

पौष ६ काठमाडौँ । बिग ब्यास लिग अन्तर्गत सन्दिप लामिछाने आवद्ध टिम मेलबर्न स्टार्सले आफ्नो दोस्रो खेल आज होबार्ट हरिकेन्स विरुद्ध खेल्न गईरहेको छ । पहिलो खेलमा मेलबर्न स्टार्सले ब्रिसबेन हिटलाई २२ रनले पराजित गरेको थियो । पहिलो खेलमा मेलबर्न स्टार्सका कप्तान ग्लेन म्याक्सवेलले ३९ बलमा ८३ रनको विस्फोटक पारी खेलेका थिए । नेपाली स्टार सन्दिप लामिछानेले पनि पहिलो खेलमा खेल्ने मौका पाएका थिए । उनले पहिलो खेलमा ४ ओभर गर्दै ३८ रन दिएर १ विकेट लिएका थिए । आजको खेलमा पनि उनी प्लेइंग इलेवनमा पर्ने सम्भावना उच्च रहेका छ ।

खेल नेपाली समय अनुसार आज बिहान ९ः३० बाट सुरु हुनेछ ।