Sansar News
१२ पुष, काठमाडौँ । पूर्वप्रधानमन्त्री तथा नेकपाका नेता झलनाथ खनालले समाजवादी क्रान्तिले मात्रै समाजवाद स्थापना हुन सक्ने बताएका छन ।
विश्व ट्रेड युनियन महासङ्घले शुक्रवार आयोजना गरेको ‘समाजवादी क्रान्ति र श्रम आन्दोलन’ विषयक विचार गोष्ठी तथा पुस्तक लोकार्पण कार्यक्रममा नेकपाका वरीष्ठ नैता समेत रहेका पूर्वप्रधानमन्त्री खनालले लक्ष्य समाजवाद भएमा मात्र समाज समाजवादतर्फ जाने धारणा राखे ।
नेपाल कम्युनिष्ट (नेकपा) का केन्द्रीय सदस्य प्रेमकुमार खनालको ‘अबको श्रम आन्दोलन र श्रम क्रान्ति’ नामक पुस्तक लोकार्पण गर्दै पूर्वप्रधानमन्त्री खनालले नेपाली समाज स्वतन्त्र पुँजीवादी समाज भएकाले पुँजीवाद समाजको रूपान्तरण गर्ने काम समाजवादी क्रान्तिले नै हो भन्नेमा जोड दिएका थिए ।
कार्यक्रमका अर्का वक्ता कृषि तथा पशुपक्षी विकासमन्त्री घनश्याम भुसालले राष्ट्रिय पुँजीको विकासले रोजगारी सिर्जना गर्नै धारणा राख्दै राष्ट्रिय पुँजीको विकासको चरणबाटै समाजवादतर्फ जान सकिने बताएका थिए ।
कार्यक्रममा माक्र्सवादी चिन्तक तथा प्रलेसका उपाध्यक्ष गोपीरमण उपाध्यायले श्रमको मालिक श्रमिक आफैँ हुनुपर्ने धारणा व्यक्त गरका थिए ।
वि.सं.२०७६ पुस १२ शनिवार १२:४६ मा प्रकाशित
