हामी सबैकाे संसारन्यूज

१३ पुष, अमेरिका । अमेरिकाको टेक्सस राज्यको ह्युस्टनमा शुक्रबार गोली लागेर २ जनाको मृत्यु भएको छ भने ७ जना घाईते भएका छन् ।

सङ्गीत श्रब्य दृश्य (म्युजिक भिडियो)को छायांकन गर्ने क्रममा ह्युस्टन नजिक धरापमा उनीहरुलाई पारेर गोली हानेको ह्यारिस काउन्टीका प्रहरीले जनाएका छन् ।

काउन्टीका प्रहरीका अनुसार २० बर्षिय गोन्जालो र २२ बर्षिय जोनाथन जिमेनेजको गत डिसेम्बर २७ का दिन घटनास्थल मै मृत्यु भएको छ ।

प्रहरीले ७ अन्य जनालाई उपचारका लागि अस्पताल लगिएको बताएको छ । घाइतेहुनेहरुको उमेर १७ देखि २३ बर्ष बिचमा रहको छ ।

प्रहरीले गोली चलाउनुको कारण के थियो भन्ने अहिले सम्म पत्ता लगाउन सकेका छैनन् । के भै रहेको थिए र वास्तवमा के भएको हो भन्ने थाहा नलागेको प्रहरी गोन्जालेजले बताए

अमेरिकी र्याप भिडियोको छायाँकन भै रहेको र कसले प्रस्तुति गर्दै थिए भन्ने र को संलग्न थियो भन्ने नै थाहा नभएको उनले बताए । शुक्रबार करिव ९ः३० बजे गोलीबारी भएको सूचना पाएको प्रहरीले बताएको छ ।