Sansar News
ल आउनुहोस् आज मान्छेका बर्गका कुरा गरौ । माक्र्सबादले भनेजस्तो बर्गको कुरा होइन है यो ! माक्र्सबादले मनुश्यलाई कती वटा बर्गमा बिभाजित गर्छ त्यतातिर नजाउ ! आज अष्ट्रेलियामा भएका नेपालीहरुको बर्गिकरण गरौ
१) निम्न बर्गका नेपाली (आयका हिसाबले )
नेपाली बिद्यार्थी
(यो बर्गभित्र सबै जसो बिद्यार्थी पर्छन । लाखौं खर्च (ऋण धन) गरेर अष्ट्रेलिया पढ्न आएका तर पढाईसँगै घरको ऋणले थिचिएका । चर्को फि र रोजगारीको अभाबमा पुरै समय तनाबमा बिताउन वाध्य ।
तै पनि जसो तसो पढाईलाई निरन्तरता दिने र सके सम्म ऋण पनि चुक्ता गर्ने साहसी बर्ग ।
२) मध्यम बर्ग
बिद्यार्थीबाट भर्खरै भर्खर छुटकारा पाएको । स्थायी बसोबासको कागज हात पारेको या पार्ने तर्खरमा रहेको बैंंकमा ५-१० प्रतिशत जती जम्मा गरेर या अलि अलि जग्गा हुनेले नेपालतिरको अँश बेच बिखन गरेर आफ्नै नामको घरमा सरेको । पाए त के-के न गर्थे भन्ने सोचेको तर आफ्नै पढाई अनुसारको क्षेत्रमा बिक्न नसकेको । अलि अलि frustrate भएको । घन्टे काम हानेर जिन्दगीसँगै परिवारको गुजारा र बैंकको ऋण कटाउदै जाने र भोली बिदा हो भन्ने दिन श्रीमतीसँग अनुमति लिएर घरमा या नजिकैको पार्कमा २–४ जना भेला गरेर मासु पोल्ने र बियर तान्ने हैसियत बनाएको ।
३) कुलिन वर्ग
आफ्नै Business गर्ने या सरकारी जागिर खाने । १ वा १ भन्दा धेरै घर हुने । सकेसम्म अरुको कुभलो चिताउने । पैसाको रवाफ देखाउने । इज्जतलाई पैसाले किन्न खोज्ने । पैसैले राजनीति गर्न खोज्ने । सबै भन्दा देश प्रेमी मै हुँ भन्ने । त्यस्को जनाउ बेला बेलामा फेसबुकमा स्टाटसमा लेखेर दिने । यसो बेला मौकामा ढाका टोपी र दौरा सुरवाल लगाएर राष्ट्रभक्ति भावमा केपी ओली लाई पनि जित्ने !
खल्तिमा अष्ट्रेलियाको नागरिकता सधैं बोक्ने । नेपाल पुग्नासाथ एयरपोर्टमा नेपालीको लाइनमा उभिने र परि आएमा नेपाली नागरिकता देखाउने ।
आफु संलग्न पार्टीको क्रियाशील सदस्यता खुसुक्क नबिकरण गराउने !
लेवी नियमित तिर्ने ।
बेला मौकामा चन्दा पनि दिने …
यि माथि उल्लेखित भन्दा अरु कुनै बर्गका नेपालीहरु पनि अष्ट्रेलियामा छन भने थप्दै जानु होला ! धन्यवाद !
वि.सं.२०७६ पुस २५ शुक्रवार १४:५४ मा प्रकाशित
