हामी सबैकाे संसारन्यूज

२३ माघ, दार्चुला । शैल्यशिखर नगरपालिका ९ गोकुलेश्वरदेखि शैल्यशिखर १ बलाँचसम्मको कालोपत्रे सडकमा यातायात व्यवसायीले चर्काे भाडा असुल्ने गरेका छन् ।

जिपले गोकुलेश्वर मार्मा सडक खण्डको गोकुदेखि पाँच किलोमिटर दूरीमा रहेको झरना , कर्कले, पंसेरासम्मको ५० देखि १५० रुपैयाँसम्म गाडी भाडा माग्ने गरेको शैल्यशिखर नगरपालिका १ बलाँचाका स्थानीयले गुनासो गरेका छन् ।

गोकुलेश्वरदेखि बलाँचासम्मको बाह्र किलोमिटर कालोपत्रे सडकमा एक वर्षयता १५० रुपैयाँ भाडा माग्ने गरेको स्थानीय सुरेन्द्रबहादुर तितराले बताए । विगतमा बलाँचासम्म ६० रुपैयाँ गाडी भाडा लिने गरेकोमा एक वर्षयता मनोमानी ढङ्गले दोब्बर बढी रकम वृद्धि गरिएको नरेन्द्र जोशीले बताए ।बिहीबारको गोरखापत्र दैनिकबाट