हामी सबैकाे संसारन्यूज

११ फागुन, काठमाडौँ । सेक्युरिटी प्रिन्टिङ प्रेसमा ७० करोड रुपैयाँ कमिसन प्रकरणका मुख्य योजनाकार सुरक्षण मुद्रणका कार्यकारी निर्देशक विकल पौडेल अमेरिका प्रवेश गरेका छन् । विहिबार कमिसन प्रकरणका कारण सञ्चारमन्त्री गोकुल बाँस्कोटाले राजीनामा दिने तयारी गर्दै गर्दा यसै प्रकरणका मुख्य योजनाकार पौडेल अमेरिका हान्निएका हुन् ।

स्वीस कम्पनीको एजेन्ट बताउने विजय मिश्रलाई पौडेलले नै मन्त्री बाँस्कोटालाई भेटाएर कुरा गरेका थिए । यही प्रकरणमा मन्त्री बाँस्कोटाले विहीबार राजिनामा दिइसकेका छन् ।

उनी १० दिनको बिदा लिएर अमेरिका गएको बुझिएको छ । आईटीका धेरै ठेक्कामा उनी संलग्न हुने गरेका छन् । विजयले एक अन्तवार्ताको क्रममा विकल पौडेल अमेरिका भागेको बताएका हुन् ।