Sansar News
१५ फागुन, काठमाडौं । भारतको राजधानी दिल्लीमा जारी हिंसा विहिबार रोकिएको छ । मृत्यु हुनेको संख्या ३२ पुगेको छ । नयाँ नागरिकतासम्बन्धी कानुनको पक्ष र विपक्षमा भहेका झडपमा १५० जना गंभीर घाइते भएका छन् ।
दिल्लीको गुरु तेग बहादुर अस्पतालमा ३० जनाको मृत्यु भएको छ भने लोक नायक जय प्रकाश नारायण अस्पतालमा दुई जनाको मृत्यु भएको थियो । आइतवारबाट शुरु भएको हिंसा अहिले भने केही नियन्त्रणमा आएको देखिएको भारतीय सञ्चारमाध्यमहरुले जनाएका छन् ।
दिल्लीको यो प्रदर्शन दशकौंयताको सबैभन्दा खराब हिंसात्मक भएको बताइन्छ । हिंसाले साम्प्रदायिक रुप लिंदा हिन्दू र मुस्लिम समुदायबीच झडप भएको थियो ।
वि.सं.२०७६ फागुन १५ बिहीवार १२:०५ मा प्रकाशित
