Sansar News
२८ फागुन, काठमाडौं । प्रधानमन्त्री केपी शर्मा ओलीलाई मिर्गौला दान गरेकी समिक्षा सङ्ग्रौला डिस्चार्ज भएकी छन्। गत बुधबार अस्पताल भर्ना भएका ओलीलाई समिक्षा संग्रौलाले आफ्नो मिर्गौला दिएर स्वस्थ भए लगत्तै बुधबार डिस्चार्ज भएकी हुन्।
मिर्गौला प्रत्यारोपण गराएका प्रधानमन्त्री ओली त्रिवि शिक्षण अस्पतालमा स्वास्थ्य लाभ गर्दै छन् । सङ्ग्रौलाको स्वास्थ्यमा क्रमिक सुधार हुँदै गएपछि डिस्चार्ज गरिएको अस्पताल स्रोतले बतायो ।
सङ्ग्रौला गत सोमबार अस्पताल भर्ना भएकी थिइन् । नातामा उनी प्रधानमन्त्री ओलीको भन्जी पर्छिन् ।
वि.सं.२०७६ फागुन २८ बुधवार १६:२४ मा प्रकाशित
