Sansar News
२८ फागुन, काठमाडौं । कोरोना संक्रमणविरुद्धको रणनीति बनाउन सरकारले बोलाएको सर्वदलीय बैठक सिंहदरबारमा शुरू भएको छ । उपप्रधान एवं रक्षामन्त्री ईश्वर पोखरेलले बोलाएको बैठक प्रधानमन्त्री तथा मन्त्रिपरिषद्को कार्यालय सिंहदरबारमा शुरू भएको हो ।
बैठकमा नेकपा अध्यक्ष एवं पूर्वप्रधानमन्त्री पुष्पकमल दाहाल प्रचण्ड, नेता माधवकुमार नेपाल र सुवास नेम्वाङ लगायत सहभागी छन् ।
प्रमुख प्रतिपक्षी दल नेपाली कांग्रेसका तर्फबाट संसदीय दलका मुख्य सचेतक बालकृष्ण खाण, नेता गगन थापा लगायत सहभागी भएका छन् ।
त्यसैगरी गृहमन्त्री रामबहादुर थापा, अर्थ मन्त्री युवराज खतिवडा, संस्कृति मन्त्री योगेश भट्टराई, उद्दोग मन्त्री लेखराज भट्ट, स्वस्थ्यमन्त्री भानुभक्त ढकाललगायतको उपस्थिति रहेको छ ।
वि.सं.२०७६ फागुन २८ बुधवार १६:१२ मा प्रकाशित
