Sansar News
२८ फागुन, काठमाडौं । सेयर कारोबार नेप्सेमा आज उच्च अंकको बृद्धि देखिएको छ । कारोबार बन्द हुँदा परिसूचक ७३.७८ अंकले बढेर १४२३.०९ पुगेको छ । यो समग्रमा ५.४७ प्रतिशत हो ।
मंगलबार तीन पटक सर्किट ब्रेकर लागेर बन्द भएको बजारमा बुधबार भने पुनरागमन भएको छ ।
‘जीवन वीमा समुहको सूचकमा ५१०.९७ को बृद्धि भएको छ भने उसैलाई पछ्याउँदै नीर्जिवन विमा समूहको सूचक ४४५.६५ अंकले बढेको छ ।
आजको कारोरोबारका अधिकांस समूहको सूचक बढेको छ । सामूहिक लगानीकोषको सूचक भने नकारात्मक देखिएको छ । आजको कारोबारमा वीमा कम्पनी समुहको सूचक सबै भन्दा बढी देखिएको छ । जीवन वीमा समुहको सूचकमा ५१०.९७ को बृद्धि भएको छ भने उसैलाई पछ्याउँदै नीर्जिवन विमा समूहको सूचक ४४५.६५ अंकले बढेको छ । ठूला कम्पनीको सूचक सेन्सेटिभ पनि ४.९४ अंकले बढेको छ । उनीहरुको परिसूचक १४.३३ अंकले बढेर ३०४.६९ बिन्दुमा पुगेको छ ।
आज कूल सूचिकृत मध्ये १८० कम्पनीको २ अर्ब २२ करोड १० लाख ८१ हजार ६ सय ९० रुपैयाँ बराबरको ५६ लाख २६ हजार ८ सय १२ कित्ता सेयर किन बेच भएको नेप्सेले जनाएकोछ ।
वि.सं.२०७६ फागुन २८ बुधवार १५:५० मा प्रकाशित
