हामी सबैकाे संसारन्यूज

१ चैत, काठमाण्डौं । कोरोना भाइरसको संक्रमण भित्रन नदिन सरकारले बैशाख १८ गते (मार्च ३०) पछि मात्र विदेश जाने विद्यार्थीलाई अध्ययन अनुमति पत्र (एनओसी) दिने भएको छ । यसअघि विदेश जान खोज्नेलाई अनुमति नदिइने सरकारको निर्णय छ ।

सामान्यतया विद्यार्थीले पाँच÷६ महिना पछि पढाई हुने विश्वविद्यालयका कलेजका लागि मात्रै एनओसी लिने गर्छन् । अहिले एनओसी लिने भनेको आगामी जुलाई तथा अगष्तबाट पढाइ हुने विश्वविद्यालय तथा कलेजका लागि मात्रै हो । मन्त्रालयका अनुसार सरकारले तोकेको सीमाभित्र विदेश जाने विद्यार्थीले यसअघि नै एनओसी लिइसकेका हुन्छन् ।

शिक्षा मन्त्रालयका एक अधिकारीले भने, ‘आज एनओसी लिएका विद्यार्थी तत्काल विदेश जाँदैनन् । उनीहरु जहिले पनि तीन चार वा आवस्यकताअनुसार त्यो भन्दा पनि बढी समय राखेर मात्र कागजपत्र तयार गर्छन् । सकरारको यो निर्णयले मन्त्रालयमा तत्काल भिड पो जम्मा गर्ने देखिन्छ ।’ शनिबारको अन्नपूर्णपोष्ट दैनिकबाट