हामी सबैकाे संसारन्यूज

२ चैत, काठमाण्डौं । कागेश्वरी मनोहरा नगरपालिकाले बजारमा कृतिम अभाव सिर्जना गरिएको भन्दै आजदेखि बजार अनुगमन सुरु गरेको छ ।

विश्वव्यापी रुपमा फैलिएको कोरोना भाइरस (कोभिड १९) त्रासका बेला केही व्यापारीहरुले दैनिक आवस्यकताका समानमा कृतिम अभाव सिर्जना गरी बढी मूल्य लिइ सामान बेच्ने गरेको जानकारी प्राप्त भएको भन्दै आजैदेखि बजार अनुगमन गर्ने निर्णय गरिएको नगरपालिकाद्धारा जारी सूचनामा भनिएको छ ।

नगरप्रमुख कृष्ण हरि थापाद्धारा आइतबार जारी गरिएको विज्ञप्तिमा आजैदेखि नगरप्रहरी तथा सम्बन्धीत वडाका जनप्रतिनिधिलाई यस कार्यको जिम्मेवारी तोकिएको समेत बताइएको छ । ‘कहि कसैलाई यस्तो कार्य गरे गराइएको पाइएमा प्रचलित कानुन बमोजिम कारबाही हुने व्यहोरा सबैलाई जानकारी गराउँदै त्यस्ता कार्य गरेको पाइएमा उजुरी गर्नहुन अनुरोध छ ।’ उक्त विज्ञप्तिमा भनिएको छ ।

नगरपालिकाले उजुरीकर्ताको नाम गोप्य राखिने जानकारी दिँदै नगर प्रमुख ९८५१०२७१२१, उपप्रमुख ९८४३०१५७९९, नगर प्रवक्ता ९८५१०९४९२२ र नगरप्रहरी ९८४९४२०३४० र ९८६००३४८१० नम्बरमा सम्पर्क गर्न समेत अनुरोध गरेको छ ।