हामी सबैकाे संसारन्यूज

२३ चैत्र, काठमाडौँ । नेपाली कम्युनिष्ट आन्दोलनका प्रभावशाली नेता तथा राजनीतिज्ञ प्रदिप नेपालले सत्तासँगको संघर्ष जारी रहेको बताएका छन् ।

सामाजिक सञ्जाल फेसबुकमा ‘सत्ताले अन्धा भएकाहरु यो(समाजवादी) मान्यताको विरुद्धमा छन् दाइ’ पूर्ण इन्फादाको जिज्ञासालाई जवाफ दिँदै उनले ‘त्यसैले संघर्ष जारी छ’ भनेका छन् ।

पूर्ण इन्फादा लगायतका जिज्ञासुहरुले भने शुष्मा राईको फेसबुक स्टाटसमा प्रदिप नेपालले दिएको ढाडसका बारेमा जिज्ञासा राखेका थिए । उनले भनेका छन् ‘कमरेड र साथीहरु शुष्मा राई रामप्रसाद राईको नतिनी हुन् । २००७ सालको क्रान्ति अपूर्ण हो भन्ने उनको मान्यता । उनको कुरामा अर्ति होइन मान्यता छ, गम्भिरतापूर्वक लिऔँ ।’

गैरआवासीय नेपाली अभियानमा समेत सक्रिय रहेकी नेकपा कार्यकर्ता शुष्मा राईले भने अप्रिल ३ मा कडा झटारो हानेकी थिइन ।

उनको स्टाटसमा भनिएको थियो :
‘कमरेडहरु होस सम्हाल्नुहोस । पुर्ब राजा ज्ञानेन्द्र शाह पैसाको अभाबमा सत्ताबाट बाहिरीएका होइनन् । नेपाली कांग्रेसका एक एक नेताहरुसँग घर, गाडी, बंगाला र श्रम नगरी कमाएको अथाह पैसा छ तर आज कांग्रेस कहाँ छ ? सत्ता र शक्ति मात्र लक्ष्य कम्युनिस्टहरुको की समाज रुपान्तरण पनि हो ? । आन्दोलनको, मुल्य र निष्ठाको अझै कति महत्व छ ? पुँजिवादी मुलुकहरुको मानवियता आजको संकटले देखाएको छ । धेरै पैसाको मालिक बन्न मन छ ? छोड्नुस राजनीति । यही कोरोना माहामारीकै सन्दर्भमा जे गरिरहनु भएको छ ? आम मानिस जे भन्दै छन र बुझ्दै छन । यो राम्रो भएको छैन । तपाईका आसेपासेहरुलाई सामाजिक संजालमा जुध्न नपठाउनुहोस । समय र सक्तिको महत्व कम्युनिस्टहरुले कसरी बुझ्नु पर्छ ? छिमेकी चाईनासंग मात्रै भने पनि सिकौँ । आगे भिरका गोरुहरु समान तपाँईहरुलाई राम राम भन्ने विकल्प मात्र रहन सक्छ ।”