हामी सबैकाे संसारन्यूज

२५ चैत्र, भारत । अब तपाईले घरमै बसेर कोरोना संक्रमण भए नभएको प्रारम्भिक जाँच गर्न सक्नुहुनेछ । नेपाली काँग्रेसले विशेषज्ञ चिकित्सकहरुको परामर्शमा कोरोनाको “स्व- परीक्षण वेब एप” ”(Self assessment tool against covid 19) निर्माण गरी सार्वजनिक गरेको छ ।

काँग्रेसले प्रेस नोट प्रकाशित गर्दै सो एपका विशेषता, उद्देश्य, चिकित्सकीय परामर्श एवम् निर्माण टिमबारे जानकारी गराएको छ ।
www.nepalicongrfesss.org/covid19/ मा गएर कोरोना भाइरस संक्रमणको लक्षण आफूमा रहे नरहेको परीक्षण गर्न सकिन्छ । यदि कसैमा कोरोना संकेत देखिए भौतिक परीक्षण र उपचारका लागि प्रेरित गर्ने र नदेखिए मानसिक तनाबबाट मुक्तिलाई एपले सघाउने बताइएको छ ।

नागरिकमा कोरोना जोखिम बारेको सचेतना अभिबृद्धि गराउन, भौतिक रुपले परीक्षणको दायरा बढाउन नसकेको परिस्थितिमा मनोवैज्ञानिक रुपले नागरिकलाई स्व परीक्षणमा सघाउन जागरुक गराउने र संक्रमणको लक्षण देखिएका नागरिकको पहिचान गर्न बला पु¥याउँदै व्यक्ति, समुदाय र सरकारलाई सघाउने उद्देश्यले एप निर्माण गरिएको काँग्रेस प्रवक्ता विश्वप्रकाश शर्माले जानकारी दिएका छन् ।

डा अञ्जनी झा, डा बासुदेव पाण्डे, डा अनिलविक्रम कार्की र डा अशेष ढुुंगानाको परामर्शमा इन्जिनियर शशांकश्री न्यौपाने र इन्जिनियर दिपेश विष्टले उक्त एपको निर्माण गरेका हुन् ।