हामी सबैकाे संसारन्यूज

२५ चैत्र, काठमाडौँ । अष्ट ज अभियन्ता बलराम अधिकारीले धर्म भकारीको माग गरेका छन् ।

समाजवाद पार्टी दोलखाका उपाध्यक्षसमेत रहेका अभियन्ता अधिकारीले कोरोनापछि खाद्य संकट बढ्दै गएको र गाउँ घरका खानेकुरा सकिन लागेकोले बीउ पनि नजोगिने स्थिति रहेको भन्दै चिन्ता व्यक्त गरेका छन् । दोलखाको मेलुङ गाउँ जस्तै देशभर सो समस्याले विकराल रुप ल्याउने स्थिति प्रति सरकारलाई सजग गराएका छन् ।

संसारन्यूज सँग कुरा गर्दै अभियन्ता बरालम भन्छन् ‘घरका व्यक्तिगत भकारी नरितिँदै बीउ सुरक्षा गर्नका लागि पनि फुड बैंकका रुपमा धर्म भकारी स्थापना गर्न जरुरी भएको छ ।’

यस्तो माग गर्ने अधिकारी जलविद्युत उत्पादनको क्षेत्रमा काम गर्दै आएका छन् ।

मेलङ गाउँपालिका  दोलखा वडा नं ७  का अध्यक्ष नवराज खड्काले खेतबारीमा मकै छर्ने बेला भो मर्कैको बिउ छैन भन्ने चिन्ता व्यक्त गरेपछि अभियन्ता अधिकारले बीउ संरक्षणका लागि धर्म भकारी स्थापना गर्नुपर्नेमा जोड दिएका हुन् ।

यसैबीच भिमेश्वर नगरपालिकाका प्रमुख भरत केसीले सुझावलाई धन्यवाद दिँदै थप छलफल गर्ने प्रतिबद्धता जनाएको अभियन्ता अधिकारीले बताए ।