हामी सबैकाे संसारन्यूज

“एक लाखको बीमा गर्दा प्रतिव्यक्ति १००० तथा सम्पूर्ण परिवारकै बीमा गर्नु पर्दा ६०० प्रिमियम लिने ब्यबस्था गरेको छ । जुन ‘क ‘ श्रेणीमा पर्दछ । त्यस्तै ‘ख ‘ श्रेणीको बीमा रु ५० हजार बराबरको छ । जसमा बीमा गर्दा बीमितले ५०० प्रिमियम तिर्नु पर्दछ तथा परिबार सबैको बीमा गर्नु पर्ने भएमा प्रति ब्यक्ति तीन सय प्रिमियम तिर्नु पर्ने व्यवस्था पनि बीमा समितिले जारी गरेको निर्देशिकामा उल्लेख गरिएको छ ।

७ वैशाख काठमाडौं । बीमा समितिले कोरोना भाईरसको उपचारको लागि नितिगत व्यवस्था गरेको छ । हालको घातक रोग सरहको हुने गरि एक बर्षे कोरोना रोग बीमालेख व्यवस्था गरिएको वीमा समितिले जनाएको छ ।

समितिका अनुसार कोरोना उपचार बीमालाई दुई श्रेणीमा बिभाजन गरिएको छ । जस अनुसार एकलाखको बीमा गर्दा प्रतिव्यक्ति १००० तथा सम्पूर्ण परिवारकै बीमा गर्नु पर्दा ६०० प्रिमियम लिने ब्यबस्था गरेको छ । जुन ‘क’ श्रेणीमा पर्दछ । त्यस्तै ‘ख’ श्रेणीको बीमा रु ५० हजार बराबरको छ । जसमा बीमा गर्दा बीमितले ५०० प्रिमियम तिर्नु पर्दछ तथा परिबार सबैको बीमा गर्नु पर्ने भएमा प्रति ब्यक्ति तीन सय प्रिमियम तिर्नु पर्ने व्यवस्था पनि बीमा समितिले जारी गरेको निर्देशिकामा उल्लेख गरिएको छ ।

निर्देशिका अनुसार कुनै पनि व्यक्ति जन्मेको तीन महिना देखि ९९ बर्ष सम्मको लागि यो बीमालेख आकर्षित हुने छ । त्यस्तै बीमालेख जारी हुनु भन्दा पहिले र बीमालेख जारी भएको १५ दिनसम्म कारोना लागेको प्रमाणित भएमा यो बीमालेख आकर्षित हुने छैन । साथै कोरोना बाहेक अन्य रोग लागेको अबस्थामा पनि दावी भुक्तानी पाईने छैन भनिएको छ ।

बीमा समितिले यस अघि सम्पूर्ण निर्जीवन बिमा कम्पनीहरुलाई कोरोना भाइरसको बीमालेख जारि गर्ने व्यवस्था गर्न निर्देशन दिएको थियो । यस संगै कारोना रोग लागेकाहरुलाई औषधि उपचार गर्न सहज हुने अपेक्ष गरिएको छ ।

हेर्नुहोस कोरोना बीमालेख सम्बन्धी बीमा समितिले जारी गरेको निर्देशिका