हामी सबैकाे संसारन्यूज

८ बैशाख, काठमाडौं । सरकारले बैदेशिक रोजगारबाट फर्केका युवालाई स्वदेशमा रोजगारी दिन विशेष योजना बाउने तयारी गरेको छ ।

यसका लागि उद्योग वाणिज्य तथा आपूर्ति मन्त्रालयले औद्योगिक लगानी तथा प्रवद्र्धन महाशाखा प्रमुखकको संयोजकत्वमा एउटा कार्यदल नै बनाएको छ ।

कार्यदलमा कृषि तथा पशुपंक्षी विकास मन्त्रालय, श्रम, रोजगार तथा सामाजिक सुरक्षा मन्त्रालय, अर्थ मन्त्रालय र संघीय मामिला तथा सामान्य प्रशासन मन्त्रालयका प्रतिनिधि तथा निजी क्षेत्रका छाता संगठनहरु नेपाल उद्योग वाणिज्य महासंघ, नेपाल उद्योग परिसंघ, नेपाल च्याम्बर्श अफ कर्मश र नेपाल घरेलु तथा साना उद्योग महासंघका प्रतिनिधि सम्मिलित हुने मन्त्रालयले जनाएको छ । विशेष योजनालाई कार्यान्वयन गर्न लगानी गर्नुपर्ने स्रोत साधन परिचालनको समेत प्रस्ताव गर्नेछ ।

सो प्रतिवेदन आगामी १५ दिनभित्र मन्त्रालय समक्ष पेस गर्न कार्यादेश  दिइसकेको पनि सोमबारको अन्नपूर्णपोष्ट दैनिकमा समाचार छ ।