Sansar News
८ पर्वत, काठमाडौँ । नेपाली काँग्रेस पर्वत- काठमाडौँ सम्पर्क समितिका अध्यक्ष ओम शर्मा चापागाईले पर्वतबाट काठमार्डौ आई विभिन्न समस्यामा परेका नागरिकहरुको सहयोगका लागि हार्दिक अपिल गरेका छन् ।
सो समितिको अध्यक्ष ओम शर्मा चापागाईद्वारा हस्ताक्षरित सो अपिलमा समितिको ऐतिहासिक पृष्ठभूमिलाई जोड्दै कोरोना भाइरस महामारी विरुद्धमा मानवीय ऐक्यबद्धताको टड्कारो जरुरी भएको बताइएको छ ।
बन्दाबन्दि(लकडाउन)ले जनजीवन कठिन र असहज बनेको बेला यस समितिका पदाधिकारी तथा पर्वतवासी अगुवाहरुको स्वयम्सेवी सञ्जालमा समन्वय गरी अप्ठ्यारोमा रहेका सबै पर्वतेलीलाई सहयोग गर्न सो अपिलमा भनिएको छ ।
ओम शर्मा चापागाई अध्यक्ष रहेको सो समितिमा जीवनबहादुर क्षेत्री, इश्वरी पन्त, प्रविन भुषाल, कृष्ण समिप सुवेदी लगायत २१ जनाको कार्यसमिति रहेको छ ।
यसअघि नै काठमाडौँमा रहेका केही पर्वतेली अगुवाहरुले स्वतस्फुर्त रुपमा अभियान सञ्चालन गर्दै आएका छन् ।
वि.सं.२०७७ वैशाख ८ सोमवार १४:५४ मा प्रकाशित
