हामी सबैकाे संसारन्यूज

काठमाडौँ । सामसङ नेपालले ग्यालेक्सी एस २६ प्लसले सीमित अवधिका लागि क्यास ब्याक अफर ल्याएको छ ।
क्यास ब्याक अफरले ग्राहकहरुको बचत र सजिलो खरिदको विकल्पको साथै बदलिँदो आवश्यकतासँग मिल्ने उत्पादन र अनुभव दिन सामसङ प्रतिबद्धता जनाएको हो ।

प्रिमियम र इमर्सिभ स्मार्टफोन अनुभव खोजिरहेका ग्राहकहरुका लागि डिजाइन गरिएको ग्यालेक्सी एस २६+ले सामसङको प्लस डिजाइनद्वारा प्रदर्शन, आराम र नवीनताको राम्रो सन्तुलन दिन्छ । ग्यालेक्सी एस २६ सिरिजका प्रमुख मोडेल मध्ये एक हो ।

यो सीमित अवधिको अन्तर्गत ग्यालेक्सी एस २६ प्लस खरिद गर्दा ग्राहकहरूले रु २३००० को इन्स्ट्यान्ट क्यास ब्याक पाउछन्, जसले यसको विशेष अफर मूल्य रु १८२९९९ बाट घटेर रु १५९९९९ मा सजिलै ग्राहकले खरिद गर्न सक्ने छन् । यो अफर १९ मे देखि ३१ जुन सम्म रहने सामसङले जनाएको छ ।

सामसङको अनुसार यसको खरिद अझ सजिलो बनाउन सामसङ नेपालले एचएफएल मार्फत इनस्टा फाईनान्स बाट २४ महिनासम्मको सजिलो इएमआई (किस्ताबन्दी) सुविधा पनि दिइरहेको छ । इएमआई सुविधा प्रयोग गर्ने ग्राहकले मासिक किस्ता रु४३४१ बाट सुरु गर्न सक्ने छन् । ग्राहकहरूले भेरिफिकेसनका लागि नागरिकता देखाएर यो सुविधा सजिलै पाउन सक्छन् ।