हामी सबैकाे संसारन्यूज

८ वैशाख । नेपाल विद्युत प्राधिकरणको आधिकारी ट्रेड युनियनले लकडाउनको समयमा खटिइने नेपाल विद्युत प्राधिकरणका कर्मचारीहरुको यथाशिघ्र स्वास्थ्य बीमा लागू गर्न आग्रह गरेको छ ।

नेपाल विद्युत प्राधिकरणका कार्यकारी निर्देशकको ध्यानाकर्षण गराउँदै युनिएनले प्राधिकरणका अत्यावश्यक सेवामा काम गर्ने कर्मचारीहरुका लागि नेपाल सरकारले चिकित्सक, स्वास्थ्यकर्मी, सेना र प्रहरीलाई लागू गरेसरह स्वास्थ्य बीमा यथाशिघ्र लागू गर्न आग्रह गरेको छ । यस्ता कर्मचारीहरुले लकडाउन अवधिभर कार्यालयमा नै खाना तथा बस्ने व्यवस्था माग गरेमा सोको समेत व्यवस्थापन गर्नसमेत आग्रह गरिएको छ ।

युनियनका संयोजक रामेश्वर प्रसाद पौडेलद्वारा जारी उक्त ध्यानाकर्षण पत्रमा वितरण केन्द्र अन्तर्गतका सवस्टेशन, प्रसारण ग्रिडका सवस्टेसन, उत्पादन केन्द्रहरु लगायतका कार्यमा खटिरहेका कर्मचारीहरुलाई समेत समान आर्थिक सुविधा उपलब्ध गराउन र आवश्यकता अनुसार उनीहरुको स्वास्थ्य परीक्षण गर्ने व्यवस्था मिलाउन पनि भनिएको छ ।