हामी सबैकाे संसारन्यूज

९ वैशाख, रुपन्देहि । औद्योगिक घराना पञ्चकन्या समुहमा कार्यरत कर्मचारीहरुले तिलोत्तमा नगरपालिकालाई आर्थिक सहयोग गरेका छन । पञ्चकन्या समूहको कोटिहवा स्थित कारखानामा कार्यरत कर्मचारीले चैत्र महिनाको आफ्नो पारिश्रमिकबाट केहि दिनको रकम कट्टा गरेर तिलोत्तमा नगरपालिकाको प्रकोप व्यवस्थापन कोषमा सहयोग गरेका हुन । विश्वमै माहामारीको रुपमा फैलिरहेको कोरोना भाईरस (कोभिड १९) बाट समस्यामा परेका मजदुर तथा बिपन्न परिवारलाई राहत प्रदानगर्न सहयोग पु¥याउने उद्देश्यले ५ लाख रुपैया सहयोग गरिएको जनाईएको छ ।

कर्मचारीहरुले जम्मा गरेका ५ लाख रुपैयाको चेक पञ्चकन्या समुहका महाप्रबन्धक देवेन्द्र शाहुले तिलोत्तमा नगरपालिकाका प्रमुख बा सुदेव घिमिरेलाई हस्तान्त्रण गरेका छन् । सो अबसरमा पञ्चकन्याले नगरपालिकालाई १ हजार मास्क समेत प्रदान गरेको छ । पञ्चकन्या समुहले त्यहाँ कार्यरत कर्मचारी तथा मजदुरलाई चैत्र महिनाको सम्पुर्ण पारिश्रमिक प्रदान गरिसकेको उल्लेख गएिको छ ।