हामी सबैकाे संसारन्यूज

के तपाईले याद गर्नुभएको छ ? फेसबुक र म्यासेन्जरमा थम्सअप गरेर तपाईले सुरक्षित रहनुस्, र आत्मिय माया जनाउने  इमोजी प्रतिक्रिया थप गरेको छ ।

सन् २०१६ फेसबुकले सुरु गरेको इमोजी प्रतिक्रिया यसअघिको खुशी, दुःख, माया, रिस, अचम्म, वाह जस्तै थप दुई नयाँ प्रतिक्रिया थपेको हो ।
फेसबुकले कोरोना भाइरसको महामारीमा सबैमा सकारात्मकता र समर्थन ल्याउन केयर र आलिंगन प्रतिक्रिया थपेको जनाएको छ ।

अहिले संसार सबै लकडाउनको अवस्थामा छ, कोभिड १९ का कारणले सामाजिक दुरी मानिसहरु आफ्नो परिवार, मित्रलाई भेट्न पाइरहेका छैनन् । यस्तो अवस्थामा सन्देश आदानप्रदान गर्ने माध्यम भनेको भर्चुअल सम्पर्क नै हो । सामाजिक सञ्जाल, फेसटाइम, जुम जस्ता एपहरुबाट रमाइलो मिम पठाउँदा मात्र पनि सम्बन्धमा निकटता ल्याउँदछ ।

यस्तो जटिल अवस्थामा मानिसहरुमा माया, सकरात्मक सोच कायम राख्नका लागि फेसबुकले थप दुई इमोजि रियाक्सन बनाएको हो । त्यसमध्ये फेसबुकमा नयाँ रियाक्सन, हग(केयर) र म्यासेन्जरमा माया(बैजनी रंगमा मुटुको संकेत) रहेका छन् ।