हामी सबैकाे संसारन्यूज

आइतबार नेपालगंजमा १५ जना तथा बीरगंजमा १ जनामा कोरोना संक्रमण पुष्टि भयो । उदयपुर, बिरगंज र नेपालगंजको संक्रमणले ठोस संकेत दिएको छ । त्यो भनेको व्यक्तिगत दूरी, सामाजिक दुरी कायम नहुनु । नेपालमा कोरोना संक्रमण फैलिन नदिने हो भने हामीले ठोस रणनीति बनाउनु पर्दछ ।

१- पिसीआर टेस्टको दायरा ब्यापक बढाउने । सिमाना जोडिएका जिल्लाहरु, ठूलो जनसंख्या भएका सहर तथा भारतबाट लकडाउन यता नेपाल आएका व्यक्तिलाई खोजिखोजि पिसीआर टेस्ट गर्ने ।

२- कोरोना संक्रमण सुरु भएको ४ महिना जम्मा १३ हजार जनाको पिसीआर टेस्ट हुनु अत्यन्त थोरै हो । र्यापिड टेस्टको मिथ्यांक प्रस्तुत गर्नुभन्दा प्रत्येक जिल्लामा पिसीआर मेसिन उपलब्ध गराएर संक्रमित पहिचान गर्ने काम अभियानकै रुपमा सुरु गर्नुपर्ने ।

३-२ जनाभन्दा व्यक्ति संगै हिंड्न नपाउने ।

४-हरेक ठाउँमा न्युनतम ६ फिटको दुरी अनिबार्य कायम राख्नुपर्ने ।

५- संक्रमित ठाउँमा घरभित्र समेत भौतिक दुरी कायम गर्नुपर्ने ।

६-धार्मिक, सांस्कृतिक, शैक्षिक, राजनैतिक लगायत बिबिध क्षेत्रमा मान्छे जम्मा हुने, सामुहिक बसाइ गर्ने, सामुहिक प्रार्थना गर्ने लगायतका काम कोरोना नियन्त्रण नभएसम्म बन्द गर्नुपर्ने । ती कहाँ कहाँ छन् , खोजेर बन्द गराउने  त्यसको नियमित तथा कडा अनुगमन गर्ने ।

७- तरकारी बजार बन्द गर्ने । तरकारी, फलफूल होलसेलबाट सिधै किराना पसल र तरकारी पसलबाट बिक्री वितरण गर्ने ।

८- सपिंग मल बन्द गर्ने । स्थानीय ससाना पसलबाट अत्याबश्यक पदार्थ किनबेच गर्ने ।

९.-बिहान र बेलुकाको समयमा पसल खोल्न, हिड्डुल गर्न नदिने दिउँसो सामान किन्ने समय तोकेमा ७५ प्रतिशत आवतजावत स्वतः कम हुन्छ ।

१०- सुरक्षाकर्मी र सिमाबासीको संयुक्त गस्ती २४ घण्टा नै गरेर जोखिम ठाउँमा तारबार, सिसिटिभी जडान गर्ने ।

यी आधार तयार नगरि लकडाउन खोल्ने हो भने स्थिति भयाबह हुनसक्छ । सरकारले पिसीआर टेस्टको दायरा बढाउने, कडा अनुगमन गर्ने अनि नागरिकले लकडाउन तथा सामाजिक दुरीको मर्म बुझेर घरभित्र बस्ने र सामाजिक दुरी कायम गर्ने गरौँ ।

‘यसकारण कोरोना संक्रमणबाट सुरक्षित छन् महिला’