हामी सबैकाे संसारन्यूज

२२ वैशाख, काठमाडौँ । पत्रकारहरु प्राय दामका लागी काम गर्छन भनेर हल्ला गरिन्छ । अन्त नबिकेका अण्डर एसएलसी र दारुपानीका भोकाहरु भनेर बदनाम पनि गरिन्छ । नाम चलेका क्रृषि धमलासंग जोडेर ब्यंग्य पनि गरिन्छ । अनि पैसो बिना न लेख्छन न समाजसेवामै लाग्छन भनेर नकरात्मक धारणा पनि यहि समाजमा छ तर एक पत्रकार भने लकडाउनका बेला पनि निःशुल्क शैलुन सेवा सहित सक्रिय भैरहेको देखिन्छ ।

नेपालमा विगत ४२ दिनदेखि जारी लकडाउनले जनजीवन प्रभावित बनाएको छ । बजार ठप्प संगै अति आवश्यक सामाग्रीका पसल समेत बन्द छन । धेरै मानिसहरु लामो कपाल र दारीसंगै बिरक्तिएको जस्ता फोटा सार्वजनिक गरीरहेका छन । यहि बिचमा एक पत्रकारलाइ लाग्यो ‘जानेको सीप प्रयोगमा ल्याएर सेवा गरौ न ।’

मिडिया मिसनका प्रधानसम्पादक टेकनाथ न्यौपानेले गत बिहिबार देखि भृकुटिमण्डपस्थित पत्रकार महासंघ परीसरबाट यस्तो जाँगर देखाए । उनि आइतबार राससको प्रधान कार्यालय पुगेर सेवा दिए । सोमबार उनि एैक्यबद्धता प्रकाशनमा पनि पुगेर सेवा दिए । यो बिचमा उनले पत्रकार बाहेकका इच्छुक अन्यलाइ पनि सेवा दिएका छन । संसारन्युजसँग उनि भन्छन् ‘२२७ जनाको कपाल काटियो’ कोरोना भाइरसको उच्च जोखिममा पनि उनि निर्धक्क सेवा दिइरहेका छन् । सेनिटाइजर, डिटोल, आधुनिक मेशिन र मेडिया मिशन लेखेको तौलिया बोकेर सेवामा पुग्ने गरेका न्यौपानेलाई पत्रकारबाहेक चिनेजाने कै व्यक्तिहरुले बढि बोलाउने गरेका छन् । उनको सीप र कपाल काटने मेशिनको प्रबिधिको कारण एउटाको कपाल उनले ४ देखी छ मिनेटसम्म सक्ने गरेका छन् ।