हामी सबैकाे संसारन्यूज

२८ बैशाख, काठमाण्डौं । नेपाली कांग्रेसका युवा नेता तथा सांसद गगन थापाले भारतको दादागिरी र चीनको न्यानो सहयोगको प्रतिरोध गर्न नेपाली कांग्रेस तयार रहेको बताएका छन् ।

परराष्ट्रमन्त्री प्रदीप ज्ञवालीले आइतबार संसदमा भारतले नेपाली भूमि मिचेर निर्माण गरेको सडकका बारेमा पेस गरेको अति जरुरी सार्वजनिक महत्वको प्रस्तावपछि आफ्ना जिज्ञासा राख्दै सांसद गगन थापाले भारतले नेपाली भूमिमाथि गरेको हस्तक्षेप र दादागिरीको घोर भत्र्सना गरेका थिए ।

नेता थापाले केही समय अगाडि रक्षामन्त्री उक्त ठाउँको अवलोकन गर्न गएको हो कि, त्यहाँ तिर्थयात्रा गएको भन्ने प्रश्न राख्दै भनेका थिए, ‘यदि सीमा अवलोकन गर्न गएको हो भने उहाँले त्यसबारेमा सरकारलाई के जानकारी गराउनु भयो ? र सरकारले यो विचमा के-के काम गयो ?’

नेता थापाले सरकारले पठाएको विरोधपत्रको जवाफमा भारतले कोभिड १९ को संक्रमण सकिएपछि कुरा गरौं भनेर वेवास्ता गरेकोमा आपत्ति समेत जनाए । उनले भारतको हस्तक्षेपका विरुद्ध सरकारले नेपाली कांग्रेससँग कस्तो सहयोगको अपेक्षा राखेको छ त्यो जान्न चाहेको समेत बताएका थिए ।