हामी सबैकाे संसारन्यूज

३१ बैशाख, काठमाण्डौं । ललितपुरको आरोग्य फाउन्डेशन र निदान अस्पताललाई सिल गरिएको छ ।
मंगलबार आरोग्य अस्पतालमा कार्यरत एक नर्सलाई कोरोना संक्रमणको पुष्टि भएपछि सँगै रहेको निदान अस्पताललाई पनि सिल गरिएको हो ।

सुरक्षाकर्मीले ती दुई अस्पताल रहेको भवनलाई सिल गरेर त्यहाँ कसैलाई पनि आउन जान दिइएका छैनन् । ती दुई अस्पतालमा सिल गरेर उनीसँग सम्पर्कमा आएकाहरुको कन्ट्रयाक ट्रेसिङको कार्य भइरहेको छ ।

त्यसैगरी ती नर्स बस्ने भक्तपुरको शंखधर शाख्वा चोक क्षेत्रलाई पनि सिल गरिएको छ । मध्यपुर ठिमी नगरपालिका ४  मा बसेर आरोग्यमा काम गर्ने ती नर्समा संक्रमण भेटिएपछि त्यस क्षेत्रलाई पनि सिल गरिएको हो । उनी तीनदिन अघि सुनसरीको झुम्काबाट आएकी थिइन् । उनीसँगै आएका चालकलाई पनि क्वारेन्टाइनमा राखिएको छ भने उनलाई टेकु अस्पतालको आइसोलेसनमा राखिएको छ ।

त्यस्तै भक्तपुरको दुवाकोटमा भेटिएका अर्का २७ पुरुष संक्रमित बस्ने क्षेत्र वरिपरी पनि सिल गरिएको छ । रामेछाप घरभई भक्तपुरको चाँगुनारायण नगरपालिका १ दुवाकोटमा बस्ने उनी शसस्त्र प्रहरी रहेको बताइएको छ । उनी मंगलबार नै टेकु अस्पतालको आइसोलेनसमा भर्ना भएका छन् ।