Sansar News
३१ बैशाख, काठमाण्डौं । भरतपुर अस्पतालमा उपचार गराइरहेका ६३ वर्षीया महिला कोरोना संक्रमणबाट मुक्त भएर अस्पतालबाट डिस्चार्ज भएकी छन् ।
चितवनको राप्ती नगरपालिका ८ की ती महिला र उनका छोरालाई कोरोना संक्रमण भएको पुष्टि भएको थियो । उनका २७ वर्षीय छोरा यसअघि नै डिस्चार्ज भइसकेका छन् ।
उनी नेपालमा कोरोना संक्रमणबाट निको भएर डिस्चार्ज हुने ३५ औं व्यक्ति हुन् । चैत ३ गते बेलायतबाट नेपाल आएका उनीहरु चैत ५ गते चितवन पुगेका थिए । उनीहरुमा बैशाख ४ गते कोरोना संक्रमण भएको पुष्टि भएको थियो ।
नेपालमा हालसम्म २१७ जनामा कोरोना संक्रमण देखिएको छ । जसमा ३५ जना डिस्चार्ज भएर घर फर्किइसकेका छन् भने अन्यको देशका विभिन्न अस्पतालमा उपचार भइरहेको छ । नेपालमा मंगलबार मात्रै ८३ जनामा कोरोना संक्रमण पुष्टि भएको थियो ।
वि.सं.२०७७ वैशाख ३१ बुधवार १४:०४ मा प्रकाशित
