हामी सबैकाे संसारन्यूज

३१ बैशाख, काठमाण्डौं । नेपाल कम्युनिष्ट पार्टी (नेकपा) का प्रवक्ता नारायणकाजी श्रेष्ठ ‘प्रकाश’ले आफ्नो सुरक्षाका लागि खटिएका सुरक्षाकर्मीलाई कुनै पनि बेला राज्यले फिर्ता लैजान सक्ने बताएका छन् ।

पछिल्लोपटक नेपाली भू-भागमा भारतसँग देखिएको सीमा विवादसँगै सीमा सुरक्षाको लागि सुरक्षाकर्मी नपुगेकोे तथा नेताहरुको सुरक्षामा खटिएका सुरक्षाकर्मीको कटौती गरिने भनेर समाचार आइरहेका बेला नेता श्रेष्ठले बुधबार सामाजिक संजाल ट्विटरमार्फत् यस्तो कुरा बताएका हुन् ।

‘मैले पूर्वगृहमन्त्रीले लिनेगरेको गाडी र तेल सुबिधा शुरुदेखि नै लिईनँ । शसस्त्र बलको पछुवा गाडी र सुरक्षाकर्मी आवश्यक नभएको ठानी केही समयपछि मैले नै जोड गरेर फर्काएँ। तर गत चुनाव अघि राज्यको सुरक्षा सँयन्त्रले सुरक्षाको कारणले राख्न अनुरोध गरेकाले राखिएको हो ।’ प्रवक्ता श्रेष्ठले भनेका छन्,  ‘थाहै छ,म पछुवा नियमित प्रयोग गर्दिन । मैले आफुलाई सुरक्षा खतरा महशुष गरेको छैन । राज्य सँयन्त्रले त्यस्तो आँकलन गरेको छ भनेपनि मेरो भन्दा राष्ट्रको सुरक्षा महत्वपुर्ण हुन्छ । त्यसैले राज्यको आवश्यकताका लागि कुनै पनि क्षण फिर्ता लैजान अनुरोध छ । यसबाट राज्यलाई अप्ठेरो परेको भए क्षमा याचना ।’

थाहै छ,म पछुवा नियमित प्रयोग गर्दिन।मैले आफुलाई सुरक्षा खतरा महशुष गरेको छैन।राज्य सँयन्त्रले त्यस्तो आँकलन गरेको छ भनेपनि मेरो भन्दा राष्ट्रको सुरक्षा महत्वपुर्ण हुन्छ।त्यसैले राज्यको आवश्यकताकालागि कुनै पनि क्षण फिर्ता लैजान अनुरोध छ।यसबाट राज्यलाई अप्ठेरो परेकोभए क्षमा याचना।

— NKShresthaPrakash (@nksthaprakash) May 13, 2020