Sansar News
३१ बैशाख, काठमाण्डौं । नेपालमा हालसम्म कोरोना संक्रमणबाट बढी प्रभावित भएका जिल्ला १७ देखिएको छ । हालसम्म सप्तरी, रौतहट, वारा, पर्सा, धनुषा, सर्लाही, भोजपुर, उदयपुर, झापा, भक्तपुर, धादिङ, चितवन, कपिलवस्तु, रुपन्देही, बाँके, कन्चनपुर र कैलाली रहेका छन् । यी जिल्लामा कूल संक्रमितको संख्या २१९ पुगेको हो ।
स्वास्थ्य तथा जनसंख्या मन्त्रालयले बुधबार दिएको जानकारी अनुसार हालसम्म संक्रमित देखिएका २१९ मध्ये सबैभन्दा संक्रमणबाट प्रभावित हुने २ नम्बर प्रदेश रहेको छ । प्रदेश नं २ का ६ जिल्ला (सप्तरी, रौतहट, वारा, पर्सा, धनुषा र सर्लाही) मा हालसम्म ९६ जना संक्रमित भेटिएका छन् ।
त्यसैगरी दोश्रोमा प्रदेश नं ५ रहेको छ । प्रदेश नम्बर ५ का तीन जिल्ला (कपिलवस्तु, रुपन्देही र बाँके) मा संक्रमितको संख्या ७२ पुगेको छ ।
तेश्रोमा प्रदेश नं १ रहेको छ । प्रदेश नं १ को तीन जिल्ला (भोजपुर, उदयपुर र झापा) मा ३५ जनामा कोरोना संक्रमण भएको पुष्टि भएको छ ।
चौथोमा बाग्मती प्रदेश रहेको छ । बाग्मतीका तीन जिल्लामा ९ जना संक्रमित भेटिएका हुन् । जसमा भक्तपुर, धादिङ र चितवन रहेका छन् ।
त्यस्तैगरी पाँचौ नम्बरमा रहेको सुदूरपश्चिम प्रदेशका दुई जिल्ला (कन्चनपुर र कैलाली) मा संक्रमितको संख्या ५ रहेको छ ।
त्यसैगरी गण्डकी प्रदेशमा २ जनामा कोरोना संक्रमण देखिएको थियो । उनीहरु दुवैजना निको भएर घर फर्किइसकेका छन् ।
वि.सं.२०७७ वैशाख ३१ बुधवार १८:४७ मा प्रकाशित
