हामी सबैकाे संसारन्यूज

१ साउन, काठमाण्डौं । गैरआवासीय नेपाली संघ एनआरएनएले हालै देशैभरीका विभिन्न स्थानमा आएको पहिरो र त्यसले पुर्याएको मानविय क्षतिमा मल्हम लगाउन भन्दै ‘बाढी पहिरो पीडित राहतकोष’ स्थापना गरेको छ ।

कोरोना महामारीबाट देशले उन्मुक्ति नपाउँदै अर्को विपत्ति आइपरेको भन्दै संघले आफ्नो मातृभूमिमा परेको महाविपत्तिमा बाढी पहिरोले पीडित परिवारको सहयोगको लागि कोष स्थापना गरिएको जानकारी दिँदै सबै राष्ट्रिय समन्वय परिषद् समक्ष आर्थिक सहयोगको आव्हान गरेको छ ।

संघका अध्यक्ष कुमार पन्त र कोषाध्यक्ष महेश श्रेष्ठद्धारा आर्थिक सहयोगका लागि गरिएको उक्त अनुरोधमा भनिएको छ, आफ्नो मातृभूमिमा परेको यो महाविपत्तीको वेला विदेशमा रहेका नेपाली समुदायको स–सानो सहयोगले ठूलो राहत पुग्नसक्ने भएकोले यस अप्ठ्यारो अवस्थामा वाढी तथा पहिरोबाट पीडित परिवारको सहयोगका लागि गैर आवासीय नेपाली संघले ‘बाढी पहिरो पिडित राहत कोष’ स्थापना गरेको छ ।

उक्त राहत कोषमा राष्ट्रिय समन्वय परिषद्को तर्फवाट सहयोग गरिदिनु हुनका लागि संघका सम्पूर्ण राष्ट्रिय समन्वय परिषद्हरुलाई हार्दिक अनुरोध गर्दछौं ।’