हामी सबैकाे संसारन्यूज

११ साउन, काठमाडौँ । आगमी वर्षदेखि राहदानी बनाउन राष्ट्रिय परिचय पत्र अनिवार्य हुने भएको छ । त्यसकै विवरणका आधारमा पासपोर्ट जारी हुनेछ ।

सरकारले असार २९ मा राहदानी नियमावली जारी गरेर यस्तो व्यवस्था गरेको हो । मन्त्रिपरिषद् बाट पारित नियमावली राजपत्रमा प्रकाशनका लागि अहिले मुद्रण विभागमा छ ।

गत वर्ष नयाँ राहदानी ऐन जारी भएपछि त्यहि अुनसार नयाँ नियमावली बनाइएको हो । आगामी आर्थिक वर्षदेखि विद्युतीय पासपोर्ट (इ–पासपोर्टं) वितरण सुरु भएपछि यो व्यवस्था कार्यान्वयनमा लगिने राहदानी विभागका महानिर्देशक रामकाजी खड्काले बताएको आइतबारको नयाँपत्रिका दैनिकमा समाचार छ ।
गृह मन्त्रालय अन्तर्गतको राष्ट्रिय परिचयपत्र तथा पञ्जीकरण विभागले बायोमेट्रिक प्रविधिको राष्ट्रिय परिचय वितरणको काम गरिरहेको छ । हालसम्म करिब १ लाख राष्ट्रिय परिचयपत्र वितरण भइसकेको छ ।