हामी सबैकाे संसारन्यूज

काठमाडौं । नेकपा (क्रान्तीकारी माओवादी)का नेता सिपी गजुरेललेले देशमा देखा परेका समस्या समाधानको बाटो प्रधानमन्त्री केपी शर्मा ओलीको राजीनामा नभएको बताएका छन् । मंगलबार संवाद क्लब नेपालले काठमाडौंमा गरेको अन्तरसम्बाद कार्यक्रममा बोल्दै गजुरेलले ओलीले राजीनामा गरेर समस्याको हल नहुने बताएका हुन् ।

नेता गजुरेलले प्रधानमन्त्री ओलीलाई राजिनामा गराएर नेकपाकै हिजोकै प्रधानमन्त्रीहरु पुष्पकमल दाहाल ‘प्रचण्ड’, माधवकुमार नेपाल र शेरबहादुरलाई सत्तामा ल्याउन खोज्नु समस्याको बाटो नभएर झन दुर्घटनाको बाटो हुने बताए । अहिलेको संकट ल्याउनमा प्रधानमन्त्रीको दोष नभएको समेत गजुरेलको भनाई छ ।

अब राज्य संचालन गर्ने पात्र फेर्नेभन्दा पनि राज्यको अर्को नयाँ व्यवस्थाको लागि आन्दोलनको जरुरी रहेको गजुरेलले बताए । हामीले जनयूद्घ अहिलेको व्यवस्थाको लागि नभएर जनगणतन्त्रको लागि गरेको भन्दै अहिलेको राज्य व्यवस्था र विगतको राज्य व्यवस्थामा कुनै फरक नभएको नेता गजुरेलको भनाई छ ।

नेकपालाई जनताले दुई तिहाईको बहुमत दिएर जिताए पनि जनताको पक्षमा कुनै राम्रो काम गर्न नसकेको बताए । एमसीसी पास गरेर अमेरिकन सेना नेपाल आउन दिएर चीन संग लडन नेपाली भूमी दिने खेल भईरहेको नेता गजुरेलको आरोप छ । नेपालमा एमसीसी राष्ट्रिय हित विपरित भएको उनको ठम्याई छ ।

न्यालयबाट नै आम मानिसले न्याय पाउने अवस्था नभएको बताए । केही दिन अघि सर्वोच्च अदालतले अपराधीलाई छुटकरा दिने काम गरेको भन्दै अपराधिलाई कारवार्हीको सटटा प्रोत्साहन गरेको उनको भनाई छ । अहिले देखा परेका तमाम समस्याको निकासको लागि आफनो पार्टीले मोर्चा बनाएर यही साउन १५ गते काठमाडौंमा आन्दोन गर्ने कार्यक्रम रहेको समेत जानकारी दिए ।